ستائر بلاسيه للنوافذ البانورامية
ستائر بلاسيه للنوافذ البانورامية
نوافذ البانوراما اتعملت عشان تديك فيو مفتوح على الحديقة أو المسبح أو البحر. عشان كده لو غطّيتها بستائر تقيلة ممكن تحجب المنظر اللي انت أصلاً اخترت النوافذ دي علشانه. وهنا بتيجي ستائر بلاسيه كحل عملي وشيك بيحافظ على الفيو، وبيوفّرلك الخصوصية والتحكم في الضوء وقت ما تحتاج. وعشان كده بقت من أكتر الاختيارات المطلوبة في الفلل والقصور والبيوت اللي واجهاتها زجاجية واسعة.
ليه ستارة البلاسيه مناسبة للنوافذ الواسعة؟
السر في الطيّات الدقيقة المتساوية أسفل الستارة، اللي بتدينا شكل جمالي رائع وخصوصية للمكان، فالفيو بيفضل كامل قدامك طول الوقت، مع إنها بتسمح بمرور ضوء ناعم ومريح.
تفصيل على مقاس بيتك
الواجهات الزجاجية الكبيرة مش بتناسبها المقاسات الجاهزة، خصوصًا لما النافذة تمتد على ارتفاع دورين أو تيجي بأبعاد مش معتادة. عشان كده بنقدّم خدمة تفصيل ستائر بلاسيه على المقاسات الفعلية لكل مساحة، وده بيشمل:
- واجهات البانوراما العريضة
- نوافذ السلالم الداخلية في الدوبلكس
- النوافذ والفتحات المرتفعة اللي صعب تستخدم معاها الستائر التقليدية
من المعاينة للتركيب
إحنا متخصصين في تفصيل ستائر المنازل والفلل وتركيبها، وعندنا فريق متكامل بإشراف مهندسة الشركة. الواجهات الزجاجية الكبيرة محتاجة دراسة كام تفصيلة زي وزن القماش، وطريقة التثبيت، واتجاه فتح الستارة، مع الأخد في الاعتبار طريقة فرش الأثاث. فريقنا بيحدد كل الحاجات دي أثناء المعاينة، قبل تنفيذ الطلب، عشان تكون شايف صورة واضحة لللي هتاخده.
أسئلة بتيجي من عملائنا كتير
ستائر البلاسيه تنفع للحيطان اللي فيها دوران؟
أيوه. طبيعة ستارة البلاسيه بتسمح إنها تتفصّل عشان تناسب دوران الحيطة. ابعتلنا صورة النافذة على واتساب، وهنقولك على طول على الاختيار الأنسب.
هل هخسر الفيو لما أركّبها؟
لأ، ودي من أهم مميزاتها. هي متكوّنة من خيوط متقاربة بتسمح بالرؤية مع الحفاظ على الخصوصية المطلوبة حسب طبيعة المكان.
ينفع أضيف ستارة بلاسيه للستائر الموجودة عندي؟
أيوه، تقدر تطلب ستارة بلاسيه تتعلّق على نفس التراك الموجود عندك من غير ما تحتاج تضيف تراك جديد، وبكده بنعمل شكل جديد تمامًا بأقل التكاليف.
واجهتك البانورامية تستاهل ستارة متعملة مخصوص ليها
احجز معاد معاينة دلوقتي على واتساب، وفريقنا هيزورك عشان ياخد المقاسات ويقترح عليك الحل الأنسب لمساحتك والفيو اللي انت عايزه.
